An chuigionn

Ins gach tigh feirmeora san áit seo [a] bhíodh meadar agus an déanamh céadna ar gach ceann aca. De adhmad deintí iad, cruinn ag an mbun agus troigh go leith ar leithead. 'S é seo (pictiúirín sa lámhscríbhinn) an fhuirm a bhíodh ortha agus bhíodh fonnsaí feistighthe timcheall orrtha chun iad a choimeád daingean. 'S é an aoirde bhí orrtha na trí troighthe nach mór.
Is iad na gléasanna a bhí ag dul léi ná loinithe, clúid agus claibín na meidre. De adhmad deintí iad. Bhíodh an loinithe cúig troighthe ar fhaid. Bhíodh píosa adhmaid cosamhail le sámhthach na ramhain[n]e sáidhte isteach i bpíosa eile agus puill bheaga tríd an bpíosa sin chun an bainne do leogaint tríotha. Seo (pictiúirín sa lámhscríbhinn) a fhuirm.
Chuiridís píosa eile -claibín na meidre tríd an loinithe, chuiridís an loinithe tré pholl sa chlúid, agus bhíodh an claibín (pictiúirín sa lámhscríbhinn) ina shuidhe ar an gclúid d'fhonn is ná beadh an bainne ag teacht amach le linn a bhuailte.