School: Mín Árd
- Location:
- An Mhin Aird Bhuí, Co. Kerry
- Teacher: Ml. Ó Caomháin
Archival Reference
The Schools’ Collection, Volume 0426, Page 253
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- An Tobar Caoch.---tobar beannuighthe.Tá an tobar seo i bPáirc Pheadair Uí Chaománaig i Mám a' Ghurráin sa pharóiste seo. Deirtear gurbh tobar beannuighthe é fadó agus go dtugadh daoine turas ann. Tá leacacha 'na seasamh mór dtimcheall air. Úsáidtear an t-uisce anois i gcóir gnóthaí tighe agus araile.
Bhí bhean bhocht ag bailiú déirce ó thig go tig fadó agus níorbh mhaith an earra í, d'réir deallraimh mar do thugadh sí a mallacht d'aoinne ná beadh go maith dhi. Tháinig sí go dtí Mám a' Ghurráin lá agus shuidh sí inaice an tobair an fhaid a bhí sí ag ithe píosa aráin. Tháinig na h-éanlaithe chun brúscar an aráin d'ithe ach is amhlaidh a chaitheadh sí an brúscar isteach sa tobar ar eagla go bhfhaigheadh na h-éiníní é.
Ansan chrom sí síos chun deoch d'ól as an tobar ach braon níor eirigh léi d'fhághail. Chuaidh an tobar i ndísc an uair sin, agus rud ní ba mheasa ná san do chaill an tseanbhean a radharc ar an láthair.
B'shin é an fáth gur glaodhadh an "Tobar Caoch" ar an dtobar úd. Tá uisce maith agus fuighleach de sa tobar ó shoin airís.
- Informant
- Tadhg Ó Brosnacháin
- Gender
- Male
- Age
- 60
- Occupation
- Feirmeoir
- Address
- Mám an Gharráin, Co. Kerry
