School: Cluain Chumhra (roll number 15660)

On this page

1. Laoch ar Lár

   

   Share Share Post

   Nuair a cailleadh Muiris Ó Muinneacháin i Sráid Eoín sa Daingean ba leis an talamh go léir i Sráid Eóin agus Croisin agus Fearann Uí Stín. Go Ceann Árd a bhí an chóiridhe le teacht ach bhí tuille mór ar an Lóndrach rómpa agus ní leigfeadh eagla d'aoinne tabhairt fé'n seana Caidhséar, mar a bhfuil Droichead a' Tobair anois, sall Ach triail Peats h-Iarflaithe é le na chapall. Capall iallait a bhí aige agus bhí uisge na h-abhann ag imteacht de dhrom an chapaill agus é ag tabhairt fé sall agus d'éirigh leis sroisint sall. Annsan chuaidh seisear fear toghtha fé'n gcómhrain - gaisgiaig a dhuine go raibh a n-ainm anáirde le neart - Tadhg O Brosnachain a bhí ar an gCluain agus a chuir fé na dhiaidh san i mBaile'n Bhúdhlaoraigh, Peats Brosnain na Rinne Buidhe athair Michíl Uí Bhrosnacháin Tadhg Mór (Ó Murchadha) an Tobair, Seán Jim Chinnáird, Jamesy Mhaonais (Sítheach) Baile'n tSagairt agus Seán Joe (Ó Flathairtig) ó'n Rinn-Bhig. Ní raibh an droichead ann an uair sin agus an tAthair Domhnall ba bhun le h-é thógaint riamh ann. Bhí an t-Athair Domhnall lá ag dul ar na "Stations" sa Tobar - Lá mór báistighe - Ní fheadar a raibh sé chómh h-olc leis an 8adh July 1922 nuair a bághadh na caoirigh go léir agus ocht gcinn de beithíg i nGabhlán. Tháinig na beithíg báighte ar an dTráig-Bheag le tuile agus ba mhór an radharc a raibh de chaoirig báighte tugtha ag an dtuile ar an dTráig an lá san. Ach an lá so a bhí an tAth. Domhnall ag dul ar an dTobar bhí tuile agus ádhbhar maith taoide ar an dtráigh Tug sé fé'n dtraig ar a capall iallait ach coinnibh sé

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   Mícheál Ó Súilleabháin

   Gender

   Male

   Address

   Baile an Ístínigh, Co. Kerry

   Informant

   Pádruig Ó Súilleabháin

   Relation

   Parent

   Gender

   Male

   Address

   Cinn Aird, Co. Kerry