School: Cluain Chumhra (roll number 15660)

On this page

1. Bia agus Béilí (continued)

   

   Share Share Post

   (continued from previous page)

   slighe is ná dóghfadh sé. Nuair a bhíodh sí cruaidh go maith annsan tógtaí aníos í agus measgtaí blúire ime léi agus b'fhéidir gráine siúicre uaireannta. Bhí sí go maith agus go deigh-bhlasta le n-ithe ach theastóchadh an riach fhéin d'fhiacla uait chun í chogaint ar a shon go mbogadh an t-ím í.

   Gráinseacháin: Cuirtí cruithneacht ag beirbhiú agus a chómhthrom d'uisge a chur léi sa chorcán. Nuair a bhíodh sí ag beirbhiú pléasgadh an gráin agus bhíodh sé na leite bhreágh ramhar go mbíodh bara ar nós an uachtair(bainne) air. Tógtaí aníos é annsan agus curtaí ádhbhairín siúicre nó salann air.

   Baighreán: Drídear min-choirce ar bogadh in uisge a slighe is go dtagadh an cá go léir ar bara an uisge. Thaithtaí an bara uatha annsan.
   Bhídís á chaitheamh ó árus go h-árus go mbíodh an cha go léir imthighthe dhe agus an bun tíos ramhar. Curtaí leamhnacht tríd agus b'fhéidir rudaí eile -ubh nó dhó - agus gráine salainn agus sgaoiltaí amach ar oidhean te é agus dheinidís císte deas de - ar nós na "pancakes" a bhíonn acu san uaireannta. Siné a deintí leis an bplúr leis nuair a tháinig sé ar dtúis.

   Pairseach Feóla: Mairt-fheóil nó tairtfheóil muice agus cnámha do chur a' beirbhiú. An fheóil do thógaint aníos nuair a bheadh sí beirbhthe 'na ceart agus annsan dorn min-choirce do chur ann isteach. Do beadh sí ramhar go maith ach d'fhéadfá í d'ól as bhalla nó muga. Deintear fós sa gheimhre í seo.

   (continues on next page)

   

   Transcribed by a member of our volunteer transcription project.

   History Edit

   Topics

   1. objects
      1. man-made structures
         1. historical and commemorative structures (~6,794)

   Language

   Irish

   Informant

   Cáit Bean Uí Shúilleabháin

   Gender

   Female

   Age

   80

   Address

   Baile an Ístínigh, Co. Kerry