Scoil: Driseachán (uimhir rolla 16647)

Ar an leathanach seo

1. Ádh ar an Amadán (ar lean)

   

   Roinn Roinn Postáil

   (ar lean ón leathanach roimhe)

   D'imthigheadar leo. Chuaidh an t-amadán bóthar dhó féin. Casadh teach leis. Chuaidh sé isteach agus d'iarr déirce Dubhairt fear an tighe leis go dtiubharfadh sé obair dhó ach go gcaithfeadh sé codladh i seomra a mbíodh sidheoga 'á n-aireachtáil ann agus fághail amach céard bhíodh ann. Chuaidh sé a chodladh an oidhche sin. Lá ar na bhárach d'fhiafruigh fear an tighe de bhfaca sé tada. "Chonnaic mé beagán" ar seisean. Thug sé £300 dó. D'fhiafruigh de an bhfanfadh sé agus dá ndéanadh go dtiubharfadh sé £300 eile dhó. An mhaidin dár gcionn d'fhiafruigh an fear de bhfaca sé tada. "Connaic mé beagán" ar seisean agus fuair sé trí chéad eile. Dubhairt fear an tighe leis nach bhfuigheadh sé aon pingin eile go bhfághadh sé amach céard a bhí sa seomra. An oidhche sin chuala an t-amadán gleó agus béiceadh sa seomra. D'eirigh sé. Chonnaic sé fear beag agus fear mór ag troid. Cheap gur mór an feall gan ceartas a seasamh do'n fhear beag. Rug sé ar an bhfear mór agus d'fhiafruigh de céard a bhí sé a dhéanamh. Dubhairt sé gur driotháir do mháistir an amadáin é ach gur mharbhuigh seisean é agus go raibh air a bheith ar an obair seo. Lá ar na bhárach d'innis sé an sgéal dá mháistir agus dubhairt seisean go dtiubharfadh sé £300 eile dó. Dubhairt an t-amadán go n-innseóchadh sé air muna ndubluigheadh sé an t-airgead. Annsin fuair sé £600. Chuaidh sé chuig na gardaí agus sgeith ar an bhfear. Crochadh a mháistir 'Sé sgéal dá raibh sé gur fhan an teach agus an áit ag an amadán.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Cáit Nic Allmhúráin

   Inscne

   Baineann

   Aois

   16

   Seoladh

   An Chloch Bhreac Uachtair, Co. Galway