School: Seanafarachán (roll number 12646)

On this page

1. An Gadaí Dubh Ó Dubhain

   

   Share Share Post

   An Gaduidhe Dubh Ó Dubhain

   Bhí fear agus bean ann fadó agus bhí triúr mac aca. Cailleadh an bhean agus chuir an fear na triur mac amach ar oileán. Annsin phós an fear bean eile. Bhíodh sean bhean aige a bíodh ag cumhdach cearc - cailleach na gcearc a tugtaoi uirthi. Lá amháin bhí an bhean óg ag dul thar cró na gcearc “muise go mbrisidh an diabhal do mhuineál” arsa cailleach na gcearc “nuair rachaidh tú annsin arís.” Bhí iongnadh mór ar an mnaoi óig faoi seo. Nuair chuaidh sí isteach ag a teach d'fiafruigh an cailín a bhí sa teach do'n mnaoi céard dubhairt an chailleach leáth. D'innis an bhean sin dí. “Anois” ars an cailín “teirigh amach agus fiafruigh dí cén fáth gur dubhairt sí sin.” Chuaidh an bhean amach agus d'fiafruigh sí dí cén fáth a dubhairt sí an easgaine sin léithe. “Tá” arsa cailleach na gcearc “bhí an fear sin pósta cheana agus tá triúr mac leis amuigh ar oileán agus níl aon chaoi le iad a thabhairt as na leigint ort féin go bhfuil tú tinn. “Marbhuigh coilleach” ar sise “agusus nuair beas do fhear ag teacht luigh ar an leabaidh agus leig ort féin go bhfuil tú tinn. Nuair a dhearcfas sé ort abair go bhfuil tú ag cur fola do chroidhe amach ar do bhéal agus ól blogam de'n fhuil i ngan fhios dó agus caith amach aríst é. Annsin ceapfaidh sé go bhfuil tú ag cur fola do chroidhe amach as do bhéal. Fiafróchaidh sé duit an rachaidh sé ar thóir an dochtúra agus abair leis gan a dhul nach ndéanfaidh aon rud aon mhaith dhuit acht na triúr mac atá amuigh ar oileán a thabhairt agus dubhairt an bhean go ndéanfadh sí sin. Bhí go maith agus ní raibh go holc. Tháinig an fear agus rinne an bhean mar a dubhairt an chailleach léithe d'ól sí blogaim as an bhfuil agus dubhairt sí go raibh sí ag cur fola a croidhe amach as a béal. Annsin dubhairt an fear go rachadh sé ar thóir an dochtúra acht dubhairt an bhean leis gan dul, nach

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0953: The Old Robber Relates Three Adventures

   Language

   Irish

   Collector

   Máirtín O Choidhin

   Gender

   Male

   Informant

   Seán Ó Cadhain

   Relation

   Parent

   Gender

   Male

   Age

   50

   Occupation

   Feirmeoir

   Address

   Seanadh Farracháin, Co. Galway