School: An Gort Mór (roll number 10582)
- Location:
- An Gort Mór, Co. Galway
- Teacher: Criostóir Mac Aonghusa
Open data
Available under Creative Commons Attribution 4.0 International (CC BY 4.0)
- XML School: An Gort Mór
- XML Page 275
- XML “Táilliúr na Míoltóg”
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- (continued from previous page)indon an t urd a chrochadh agus dubhairt sé go rabh a dhriotháir ag déanamh tigh nua in Éirinn agus go mba mhaith leis é a chaitheamh chuige. Dubhairt an fathach leis stopadh agus gan a bheith ag cainnt mar sin. "Caithfe mé féin é mar sin" adeir an fathach. Isteach leo agus dinnis an fathach an sgéal dhá mháthair. "Ná bí ag cainnt mar sin" adubhairt an mháthair ní rabh sé indon tada dhá shórt a dhéanamh. "Cuir síos fataí agus seacht gcaora go mbeidh fhios agam cé agaibh is fearr tú féin agus an fathach nó thú fhéin agus do dhriothár. Cuir an fathach síos na fataí agus mharbhuigh sé seacht gcinn do chaoirigh agus ghlan sé iad. An craiceann a bhí an fathach a bhaint do na caoirigh bhí an táilliúr dhá bhfuagháil dhá chéile. Chuir sé síos na caoirigh agus nuair a bhí siad réidh thosuigh siad ag ithe. Bhí an mála a rinne an táilliúr faoi na mhuineál aige agus bhíodh sé ag cur an chuid is mo dhó sa mála. Nuair a bhí an táilliúr réidh dubhairt sé leis an bhfathach go rabh sgéal aige dhó. "An méid atá ithte agam tá mé indon é a leigint amach" adeir an táilliúr. "Sin rud nach bhfuil mise indon a dhéanamh" adeir an fathach. Doscail an fathach a bholg agus cailleadh é. Bhí sé ag iarraidh a bheith chomh maith leis an táilliúr.
- Collector
- Bríghid Ní Ghaora
- Gender
- Female
- Age
- 15
- Address
- Inbhear, Co. Galway
- Informant
- Tomás Ó Gaora
- Gender
- Male
- Age
- 48