School: Shindilla (roll number 14285)

On this page

1. Scéal Grinn

   

   Share Share Post

   Bhí fear ann fadó as Árann agus tháinig sé go dtí Camus íochtair ag iarraidh mná. Nuair a thagadh sé go Camus geobhadh sé a dhinnéar. Inghean táilliúra a bhí san mnaoi a bhí sé ag iarraidh. Ní bheadh acht aon greim amháin ithte aige nuair a dhéarfadh an táilliúr "tá mise sáthach is tá mo bhean sáthach is duine gan náire nach bhfuil sáthac." D'eirigheadh an fearr strainnséara agus ocras air. D'fan an fear an oidhche seo sa teach. Amach san oidhche bhuail ocras é. D'iarr sé ar an mhnaoi a imtheacht síos agus rúinne de'n bhagún a bhí sa bpota le h-aghaidh an dinnéir roimhe sin a thabhairt aige agus d'íosfadh sé é. Chuaidh an cailín síos agus chroch sí síos an pota ar an tine. D'airigh an t-athair í agus síos leis in a diaidh. Ar misde leat mé a iarraidh dhíot céard atá sa bpota ar seisean. "Muise," adeir sí "sean éadac atá ag bruith agam." " Chuala mé ariamh nach bhfuil mórán bruith go maith le éadaigh" arsa an tailliúr, "tógfaidh mé suas duit iad." "Fág taobh amuigh de'n doras " arsa an chailín. Chuaidh sé amach annsin agus dhóirt sé an pota bagúin síos ar an t-sráid agus chuaidh sé a chodladh arís. D'innis an cailín do'n fear é. Ara arsa an fear teirigh síos ar an teallach agus chuir cáca beag síos faoí an luaith agus ní fheice sé thú. Chuaidh an inghean síos agus chuir sí an cáca faoí an luaith. D'eirigh an táilliúr arís agus d'eirigh fear na mná freisin. D'fiafhruig an tailliúr dhó ce'n an

   (continues on next page)

   

   Transcribed by a member of our volunteer transcription project.

   History Edit

   Topics

   1. genre
      1. verbal arts (~1,483)
         1. jokes (~6,086)

   Folktales index

   AT1544: The Man who Got a Night's Lodging

   Language

   Irish

   Informant

   Bean Uí Bhrian

   Gender

   Female

   Address

   Na Doiriú Thuaidh, Co. Galway