1. dúchas.ie
  2. The Schools' Collection
  3. Scoil Éinde, An Spidéal

School: Scoil Éinde, An Spidéal

Location:
An Spidéal, Co. Galway
Teacher:
Seoirse Ó Flaithbheartaigh
Browse
Mode:
The Schools’ Collection, Volume 0063, Page 046

Archival Reference

The Schools’ Collection, Volume 0063, Page 046

Image and data © National Folklore Collection, UCD.

See copyright details.

Download

Open data

Available under Creative Commons Attribution 4.0 International (CC BY 4.0)

  1. XML School: Scoil Éinde, An Spidéal
  2. XML Page 046
  3. XML “Scéal - Mac Rí Éireann”

Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.

On this page

  1. Scéal - Mac Rí Éireann (continued)

    Share Share Post
    (continued from previous page)
    óir a bhí sa seomra aca. Thug sé abhaile na ba agus ní raibh aon rud indhon an bainne a coingbéal. An oidhche sin níor cluineadh aon sgréac. Cheap an máighistir go raibh siad tinn. An lá na dhiaidh nuair a bhí an ma[c] ag dul ag fosuidheacht, chonnaic sé éadac dubh ar gac fuinneóig. Chuaidh sé go dtí an máighistir agus dfiafruigh sé dhó cé'[n] fáth é sin. Dubairt an máighistir go dtagann dragún isteach sa bfairrge chuile sheacht mbliana agus go gcaitheann rí a inghean a tabhairt l[e] n-ithe dhó, agus tiocfadh sé amáireach. Chuaidh an mac go dtí caisleá[n] na bhfathac, agus gléas sé suas é i n-éadach síoda. Síos leis go dtí an tráigh agus a eac agus a claidheamh aige, agus bhí plód mór thíos roimhe. Ba gheárr no gur dtáinig an dragún isteach agus bhí sí ag cur cúmhar ar bhárr na dtonn. Nuair a tháinig sí inghar den tráig chuaidh mac an ríogh amach agus thosuigh sé ag troid leí. Sháith sé le na chlaidheamh í. Léim sé suas ar an eac agus as go bráthach leis. Rith inghean an rí in-a dhiaidh agus shíl sí é a tharraingt anuas de'n chapall, ac tharraing sí an bhróig ghloine dhe mac an ríogh. Dubairt an inghean leis an ríogh nach bhpósadh sí aon duine, ach duine a thiocfadh an bhróig air. Bhí chuile dhuine ag teacht ag cur an bhróig ortha ag ceapadh go dtiocfadh sí ortha. Bhí cuid aca ag gearrad a gcosa ag ceapadh go dtiocfadh sí ortha.
    Bhí chuile dhuine ins an áit trí-ailte, ac mac an ríogh. Dubhairt an máighistir leis an mac go mba cheart dhó dhul agus í a fheacaint. Chuaidh, agus chuaidh sí air gan stróbh.
    Pósadh an bheirt agus bhí bainis seacht lá agus seacht seachtmain ortha agus mhaireadar go sásta as sin amac.
    Transcribed by a member of our volunteer transcription project.
    History Edit
    Folktales index
    AT0300: The Dragon‑Slayer
    AT0510: Cinderella and Cap o' Rushes
    Language
    Irish
    Informant
    Maitias Ó Céidigh
    Gender
    Male
    Age
    75
    Occupation
    Feirmeoir
    Address
    Seanadh Gharráin, Co. Galway