11/07/2016 Weekly Pick  (See more »)

School: An Clochar i gCárna

Location:
Carna, Co. Galway
Teacher:
Siúracha na Trócaire

Filter stories

Back
/ 473 Forward
Resolution: Low | High
Naomh Mac Dara

Archival Reference

The Schools’ Collection, Volume 0011, Page 359

Image and data © National Folklore Collection, UCD. See copyright details »

On this page

Céadta blian ó shoin do chómhnuigh Naomh i gCárna dárb ainm Mac Dara. Ar oileán beag trí mhíle amach ón gcósta bhí comhnuidhe air. Bhí séipéal beag aige dá raibh ceann cloch air agus deirtear gur thóg na hAingle dhó é in aon oidhche amháin. Tá fotharaigh an teampaill sin in a seasamh fós agus tá tobar beannuighthe an Naoimh san oileán freisin.
Mhair sé in a aonar san oileán sin agus ní bhíodh de bhiadh aige acht arbhar a mheileadh sé féin le dhá chloich agus braon uisge. Anois is aríst bhíodh iasg úr aige agus nuair a ghabhfadh aon duine isteach san oileán thiubhradh sé braon bainne chuige.
Sé nós atá ag na daoine riamh ná na seolta d'ísliú ag dul thar Oileán Mac Dara in onóir don Naomh. Uair amháin rinne máirnéalach éicint faillighe ar an nós sin agus báthadh é cúpla céad slat ón oileán. Tugtar 'Mac Dara' fós mar ainm ar go leor páiste sa pharóiste mar gheall ar na Naomh.
Tuiteann lá Fhéile Mac Dara ar an 16adh d'Iúl. Téigheann lear mór daoine go h-Oileán Mic Dara an lá sin chuile bhliain ar oilitricht. Na daoine nach dtéigheann chuig an Patrún, bíonn siad ag obair sa bhaile. Ceaptar go bhfuil an Naomh curtha san oileán.

Collector
Áine Ní Cartaigh
Gender
female
Age
10
Address
Carna, Co. Galway
Language
Irish