School: An Tulach (roll number 13148)

On this page

1. Ridire na gCleas (continued)

   

   Share Share Post

   (continued from previous page)

   cheannacht. Tiúbharfadh sé airgead ar bith orm a iarrfas tú acht cuir ins an margadh nach dtiúbharfadh tú an t-adhastar dhó."
   Tharraingeadar suas ar an aonach annsin agus rinne an mac stail dhe fhéin agus chuir an t-athair adastar air agus ba gheárr abhí sé ann go dtáinig Ridire na gCleas chuige agus d'fiafruigh sé dhe cé mhéid do bhí sé ag iarraidh ar an stail.
   "Sé chéad punt" ars an feilméar "Tiúbharfaidh mise sin dhuit" adeir sé. Acht ní thiúbhra mé an t-adhastar dhuit" adeir an feilméar.
   "Ba cheart an t-adhastar a thabhairt isteach san margadh freisin" ars an Ridire.
   Acht ní bhfuair sé é.
   D'imthigh Ridire na gCleas annsin agus an stail leis agus d'imthigh an feilméar ar a bhealach ag dul abhaile acht ní raibh sé i bhfad nó go dtáinig an mac suas leis.
   "Tá go maith, a athair" adeir sé "tá an uair seo gnothuighthe againn acht níl fhios agam céard a dhéanfhas an lá ambárach linn. Tá aonach ina leithéid seo d'áit ambárach agus tiocfaidh muid ann."
   Chuadar ar an aonach agus rinne an mac stail dhe féin agus chuir an t-athair adhastar air agus ba (gre) gheárr a bhí sé annsin nó go dtáinig Ridire na ghCleas chuige. D'fhiafruigh an Ridire cé an méid abhí sé ag iarraidh ar an stail bhreágh abhí aige ins an adastar. "Naoi gcéad punt tá mise ag iarraidh air," arsan feilméar. Níor shaoil sé go dtiúbharfadh sé sin dhó. Acht ní choingbhóchadh airgead ar bith an stail ó'n ridire. "Tiúbharfaidh mé sin dhuit," adeir sé. Chuir sé a lámh ina phóca agus thug sé naoí gcéad punt dhó agus rug sé ar an adhastar leis an lámh eile agus d'imthigh sé leis chomh luath sin gur dhearmad an feilméar é do chur ins an margadh an t-adhastar thabhairt ar ais dhó. D'fhan sé annsin ag súil go bhfillfeadh a mhac acht níor fhill.
   Thug Ridire na gCleas annsin an mac leis agus bhí sé ag tabhairt chuile phionnúis agus droch-mheas dhó agus ní leigfeadh ar bord in-éindigh le na daoine

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0325: The Magician and his Pupil

   Language

   Irish

   Collector

   Mairghréad Ní Chualáin

   Gender

   Female

   Informant

   Nóra Ní Chualáin

   Relation

   Grandparent

   Gender

   Female

   Age

   93

   Address

   Baile na hAbhann, Co. Galway