School: An Tulach (roll number 13148)

On this page

1. An "Summons"

   

   Share Share Post

   “An Summons”
   Máire Ní Leainde, Barr Roisín, d’innis. Tá sí 84 bliain.
   Bhí an sagart i dteach Faoistine lá thuas i nDoire Coill, d’iarr sé ar an bpobul má bhí fear misneamhail ar bith i na measg é theacht i láthair chuige, go raibh graithe cruadhógach aige dhó. D’innis sé annsin cé’n graithe bhí aige dhó. Leitir a bhí aige le cur soir chuig a’ mBlácadh, séard do bhí ann Summons. Theastaigh fear maith uaidh, dubhairt sé, fear nach mbeadh sgáth ná faitchíos air agus a thiubhradh an leitir isteach i lámha an Blácaigh é féin, tháinic a’ fear chuige, staic beag g’fhear ar na Doireadha agus dubhairt go sínfeadh sé an leitir chuig a’ mBlácach, nach mbeadh sgáth na faitchíos air “Tabhair aire do do gsaith anois” adeir a’ sagart leis, “fainic a dtiubhrthá do dhuine ar bith é ach do’n Bhlácach é féin.”
   Bhí go maith. Fuair sé an leitir ó’n sagart. Leitir thanaidhe ar nós leitir ar bith bhí inna, a’ cover taoi’ muigh uirthi. Chuaidhe sé annsin, chuir cover eile taobh amuigh dhó sin uirthi, ceann eile taobh amuigh dó sin arís. Chreidim gur chuir sé seacht nó ocht de cheanna uirthi. D’imthigh leis annsin go ndeachaidh sé síos chuig a’ gCaisleán. Chuaidh sé ag a’doras, d’innis sé go raibh leitir aige do’n Bhlácach. Dubht na daoine tháinig ag a’doras chuige go dtiubrhaidís féin dó í. “O’, adeir sé, “dubhradh liom í síneadh isteach in a láimh chuige féin.” As a’deire tháinig an Blácach féin amach, shín sé an leitir aige. Chúns bhí seisean ghá hosgailt rinne mo dhuine bocht a bhealach amach, thug sé dhá shiúbhal é, soir a thug sé aghadh. Ar a chonnic a’ Blácach céard a bhí sa leitir spréach sé. Chuir sé an tóir i ndiaidh an duine thug dhó í acht siar a chuaidh sé ghá thóraúeacht, bhí mo dhuine bailighthe leis soir faoi na Minne.
   Sin é an huair a searbháileadh go dtí Baile Átha Cliath é.

   

   Transcribed by a member of our volunteer transcription project.

   History Edit

   Topics

   1. place-space-environment
      1. land management (~4,110)

   Language

   Irish

   Informant

   Máire Ní Leainde

   Gender

   Female

   Age

   84

   Address

   Barrusheen, Co. Galway