School: Caisleán Uí Dhálaigh (roll number 4509)

Location:
Castledaly, Co. Galway
Teacher:
Seán Ó Croithín

Filter stories

Back
/ 0041 Forward
Resolution: Low | High
Sióga

Archival Reference

The Schools’ Collection, Volume 0059, Page 0030

Image and data © National Folklore Collection, UCD. See copyright details »

On this page

Sídheóga
Níl teach ar bith a théigheanns tú isteach ann nach gcloisfeá scéal éigin faoi sídheóga. Thart ar fud na h-áite seo an áit is minnic a bhíonn siad le feiceál. Deirtear gur suas ag Coill-na-Taidhbhse atá siad ina gcómhnuidhe, agus go mbíonn siad le feiceál gach oidhche ar an dó dhéag a chlog.
Bíonn siad le feiceál istigh i bpáirc Micheáil Mac Giollarnáth, feirmeór beag atá thart sa gceanntar seo. Suas in aice na coille atá an áit agus bíonn soillse le feiceál ann go minic.
Na cinn is mó a bhíonns le feiceál thart, siad sin, an Cóis de bodhar an Bhean Sídhe, An Muc Dhubh, Seán an lampa agus go leór eile. Tá an Cóis de Bodhar le feiceál siar in talartan ag dul ón sean chaisleán atá i mbaile Bacach go dtí an sean séipéal in talartan. S’in cois de mór le ceithre rotha agus péire capall gan ceann, Ó á tharraingt agus madadh mór ag rith ina dhiadh. Ní fhaca aon duine thart anseo é ach chonnhaic daoine fadó é.
Tá an Bhean Sidhe le cloisteál siar in talartan freisin, agus is bean bheag í agus bíonn éadaigh dearg uirrí i gcómhnuidhe, agus is í an bhean is measa a bhfaca tú ariamh agus tá sí an chriosta ar fad. Chualaidh mé go raibh fear síos i mBaile Bacach agus chuaidh sé suas go dtí an Bhean Sidhe agus dubhairt sé rud eicint leithe agus bhuail sí é agus d’fhág sí áit a cúig méar ar a éadan.
Bhí fear eile agus bhí sé ag teacht abhaile ón mbaile mór agus nuair a bhí sé ag teacht siar ag áit d’arbh ainm lios-a-D’ultaigh ag teach Cuinnigim agus bhí sé ar rothar agus tógadh ón rothar agus é agus fágadh síos san abhainn é. Tógadh suas arís é agus tháinig sé siar go dtí an séipéal agus casadh air Muc dhubh. Tá muc dhubh le feiceál siar ag an séipéal go leór úaireannta agus deirtear gur í sin an rud is measa a bhíonns le feiceál sa scoill seo gach oidhche agus bíonn go leór torann ann freisin. Mo mhuinntir a dinnis é seo dhom.
Mairead Ní Mhaoláin a scríobh é seo.
Tá an eolas seo ag na daoine san áit seo.
S.ÓC.

(continues on next page)
Collector
Mairead Ní Mhaoláin
Gender
female
Language
Irish