Bhí fear ann fadó agus bhí sé ina chomhnuidhe i dteach é fein agus a mháthair agus bhíodh solas faoi'n leabhaidh chuile oidche. Oidhche amháin bhí air a dhul go Gaillimh ag ceannacht rudaí. Chuaidh sé ann agus bhí sé ag teacht abhaile nuair a d'éirigh rud ar an mbothar roimhe agus shíl cic a thabhairt dhó ach d'imithigh sé uaidh. Is gearr go dtáinic cú mór agus bhí sé ag imteacht roimhe go deo nó gur shíl sé é a bhualadh annsin d'imthigh sé. Is gearr i n-a dhiaidh sin go bhfaca sé bairille ag damsadh ar an mbothar agus is gearr a bhí (sé) ann nuair a shíl an fear cic a tabhairt dó. Is nar thuit an fear as a sheasamh agus bhí sé go dona go ceann míosa.