Bhí fear ann fadó agus phós sé bean a bhí an chrosta agus bhíodh sí ’ghá bhualadh agus ag iarraidh é a chur fé smacht. Bhí mac óg acú ⁊ cailleadh an bhean núair a rugadh é. Thóg sé an dearg-ghráin ar na mná annsin agus ní leigeadh sé d’aon bhean teacht in aice an tíghe ina dhiaidh sin. D’fhás an mac súas agus ní leigfeadh an t-athair amach in aon áit é ar fhaitchíos go bhfeiceadh sé aon bhean. Oidhche amháin bhí sé ag dul ar Aonach Turlach Mór agus bhí fear eile le bheith in éindigh leis, ach bualadh tinneas air í lár na h-oidhche agus b’éigin dó an mac a leigint