Toibreaca beannuithe.

An tobar beannuithe is deise dúinne sé tobar an Duin. Téigeann sgaiste mór daoine annsin gach bliadhain agus fanann siad ann dhá lá no trí lá. Téidheann daoine ann a mbíonn galair de gac seórt ortha agus caitheann siad an t-uisge trí h-uaire ortha féin. Annsin nuair a bhíonn siad ag faghail, fágann siad airgead na luighe ag taoibh an tobar. Annsin i gcionn dhá lá no mar sin toisigheann siad a fhaghail biseach agus dó réir a chéile gheoibheann siad amach as aqn ghalar a bhíonn ortha. Téidheann daoine a bhíonn bacach agus a bhíonn a gcuid sgiathan nimhneach go dtí tobar an Dúin gach bliadhain agus fágann siad airgead na luighe ag taoibh an tobar le iad biseach a fhághail. Nuair a bhíonn daoine as seo ag gabhail go dtí tobar an Dúin bheireann siad leobhtha gluaisteán agus fanann siad ag taoibh an tobair ag guidhe agus agus déanamh trosgaidh. Nuair a théidheann tú suas go`dtí an tobar tchíonn tú cuid mhór daoine annsin, agus bíonn gach cíneál aicidheacha ar na daoine sin. Bíonn siad ar a gcuid glún agus bíonn (Conoir) Coroin Mhuire leobhtha agus fanann siad annsin, cuid aca trí lá agus cuid eile ceithre lá.