Bhí diulach thoir ar an Dún Mhór fad ó shoin. Phós sé agus nuair a bhí sé bliadhain pósta d'imthigh sé go Merica. Rinne sé fástódh le maighistir annsin agus chuir an maighistir amach a threabhadh é. Stad sé nuair a bhí trí lá treabhta aige. Bhí balla cloch thart ar an pháirc, agus an ceathramh lá shuidhe sé shuas ag bárr na páirce le na dhinnéar a dhéanamh. Nuair a bhí a dhinnéar leath déanta aige chonnaic sé bean agus í cumhdaighte le fionnthadh agus sgannruigh an stócach. D'imthigh an stócach leis ag a mhaighistir agus d'innis sé do'n mhaighistir caidé a chonnaic sé. Thug an maighistir comhairle dó agus d'iarr sé air a ghabháil chuig a chuid oibre agus gan