Bhí gasúr ann aon uair amháin. Bhí sé ina chomhnuidhe ag a mhathair. Ní rabh cleachtadh aige ar obar a dhéanamh. Bhí a mhathair iongantach bocht agus cha rabh a dhath acu le h-ithe.
Lá amháin dubhairt sé lé na mhathair go rabh sé gabhail a obar agus go mbeadh said saidhbhir (?)
Séan a bhí ar an ghasúr seo. Chuaidh sé a obar an lá seo, agus fuair sé pinghinn tráthnóna, thug sé leis ina laimh é, agus chaill sé é.
D'innis sé dó na mhathair caidé d'éirigh dó agus dubhairt a mhathair leis gur ceart dó an phinghinn a chuir ina phóca. Dubhairt seisean go ndeánfadh sé sin feasta.
An dara lá a bhí sé ag obar fuair sé pigín bainne agus chuir sé an pigín ina phóca agus dhóirt sé é. Dubhairt a mhathair leis gur cheart dón pigín a thabhairt leis ar a cheann agus greim a choinneál air lé ná dhá láimh. Dubhairt Séan go ndeanfadh sé sin feasta.