School: Rann na Feirsde (roll number 15927)

On this page

1. Mac an Iascaire

   

   Share Share Post

   Mac an Iascaire (Lá Fhéil Pádraic 1938)

   Bhí lánamhain ann ibhfad ó shoin agus bhí siad iongantach bocht. Bhíodh an fear ag iascaireacht agus sin an gléad beatha bhíodh acu ó bhliain go bliain. Lá amháin i ndeireadh an Fhoghmhair bhí sé amuigh le na bhád beag ag cur eangach nuair a chonnaic sé chuige an bád caol dubh. Dar leis féin go mbéadh sé deas do'n chladach ar eagla na h-eagla.
   Nuair a bhí sí fá ghiota dó d'aithin sé nach rabh ar bórd uirthi ach cailín óg. Labhair sí leis go caoidheamhail agus ar sise "An bhfuil aon teaghlach agat?". "Níl" ar seisean, ach ba mhaith lom dá mbéadh". "Bhál" ar sise "beidh mac agat ach caithfidh tú thabhairt damh-sa agus bhearfaidh mé oireadh airgid duit agus chongbhóchas beo tú a choidhche". Líon sí malaí óir dó agus annsin d'imthigh sé leis na bhaile.
   Bliain ón lá sin bhí mac óg ag a mhnaoi. Thannic an bhean ghlas, sin an t-ainm a bhí uirthi, fá choinne an mhic. Bhí brón mór ar an athair ag sgaradh le na mhac ach mar sin fhéin níor mhaith leis an geall a bhriseadh. THug an bhean ghlas léithe é go dtí an caisleán a bhí aici ar thóin na fairrge agus thóg sí é go rabh sé na ghasúr mhór. Theagasc sí achan chineal dó agus d'fhoghluim só an dóigh leis an bhád a sheoladh. Sa deireadh bhí sé comh h-eolach ar an bhád agus go rabh sé fhéin ábalta a h-oibriú.
   Lá amháin thainic sé isteach agus bhí an bhean ghlas na luighe na codladh ins an tseomra. Dar leis gur dheas í. Chrom sé anuas agus thug sé póg díthe.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0302: The Ogre's (Devil's) Heart in the Egg

   Language

   Irish

   Informant

   Micí Mac Pháidín

   Other names

   Micí Mac Pháidín

   Micí (Paidí) Mac Pháidín (local name)

   Gender

   Male

   Age

   73

   Occupation

   Feirmeoir

   Address

   Rann na Feirste, Co. Donegal