Máire Amaideach agus Micí Críonna
Bhí fear agus bean ann fad ó shoin. Sé an t-ainm a bhí ortha Micí agus Máire. Bhéadh Máire i gcomhnuidhe ag sníomh agus ag cárdail agus ag déanamh gréasáin báinín. Dhíoladh sí é agus cheannóchadh sí min agus plúr air. Lá amháin bhí sé ag cur agus bhí gréasán mór báinín déanta aici. Dubhairt sí gur sin a máthair mhór le cloich mhóir a bhí as coinne an dorais. D'imthigh sí a chur an báinín ar an chloich mhóir. Nuair a d'éirigh sí ar maidin bhí an báinín ar shiubhal. Thionntuigh sí an chloch agus goidé a fuair sí ach leath stocaigh óir agus airgid. Dubhairt an seanduine gur mhaith seo fá choinne na coise tinne. Chuir sí anáirde ag bun na cruibe é. Lá amháin thainic fear isteach agus é bacach. "Ó" arsa Máire "is tusa fear na coise tinne" ag éirighe agus ag síneadh stocaigh an airgid agus...