Bhí sean fidleóir fá seo fad ó shoin darbh' ainm Feidhlimidh na Fidle. Ní raibh áit comhnuidhe ar bith aige ach oidhche thall agus i bhfus in gach áit. Áit ar bith a mbéadh bainfhéis ná baisteadg bhí Feidhlimidh cinnte a bheith ann, é féin agus a fhideal. Bhí sé ag baint faoi Geimhreadh amháin thuas ag taobh na nGleanntach agus thárlaigh gur pósadh lánamhain as an bhaile ag na thaoibh. Cuireadh sgéala fá choinne Feidhlimidh le seinm ag an chuirm. Ba é an gnás a bhí ann an uair sin nuair a rachadh fear chuig mnaoi bhéadh damhsa ann oidhche na dála agus oidhche na bainse. Nuair a bhí Feidhlimidh ag gabhail na bhaile ar maidin indiaidh na bainse cé casadh air ach an sagart Mac Gloinn. Chuir sé cesit ar Fheidhlimish caidé a t-airgead a fuair sé ar son an dá oidhche. "Innseochaidh mé sin duit" deir Feidhlimidh, "trí phunnta agus dhá scilling déag". Fear...