Chuir muinntir Árainn Mhóir teachtaireacht chuig Ruaidhrí Ruadh Ó Domhnaill a bhí na chomhnuidhe ar an Ghlasaidh a theacht ar cuairt ar an oileáin chuca. Tháinic sé agus chaith sé coicighis in a measc. Nuair a bhí sé ag gabháil go tír mór arís chuir siad lasta báid de phronntanais leis agus éadach órnaighthe faoi na chosa ins an bhád. Bhí bodach gallta na chomhnuidhe i nGleann Cholm Cille ar b'ainm de CAptaoin Muireachtaigh agus nuair a chualaidh sé an t-ádh a bhí ar an Dáilach smaointigh sé go bhfiachadh sé féin a lámh fríd Árainn. Chuaidh sé go hÁrainn agus d'fhán sé dhá oidhche ann agus an tríomhadh maidin d'iarr sé ortha bádóir a fhagháil a d'fhágfadh amuigh ar tír mór é. Chuimil na tighthe óstais go cruaidh air an dá oidhche sin a d'fhán sé acu. Nuair a thainic sé amach go h-Ailt an Chorrain an tríomhadh lá, labhair sé....