Fear as an bhaile seo a bhí ann, agus ní rabh a dhath ar a intinn nuair a bhí sé na ghásúr ach obair fairrge. Bhí a shliocht air mar comh luath is thainic ann dó bhain sé an fhairrge amach. Chuaidh sé ar cheann de na doithigh móra a bhí ag seoladh amach fhad leis na tíortha cúil. Chuaidh blianta thart as ní rabh a thuairisc le fagháil. Ní rabh fagháil air beo na marbh. Cuid a deireadh gur báidhte a bhí sé agus cuid eile a deireadh go rabh sé pósta i dtír coimhthigheach. Ach leis an fhírinne a rádh agus a dhéanamh ní rabh fhios acu cá rabh sé ná níor chuir sé lá sgolb na sgéala chuig na mhuinntir ó'n lá a d'fhág sé Rann na Feirsde.
Mórán blianta na dhiaidh sin ar philleadh na bhaile dó i ndeireadh an lae bhí a mhuinntir uilig ar shluagh na marbh. Ní rabh fá na choinne ach ballaí fuara folamha. Chuaidh sé a...