Bhí gasúr ag gabhail an bealach mór lá amháin agus trí caora leis. Casadh sagart air agus chuir sé ceist air an rabh sé ábalta é fhéin a coisreacadh agus dubhairt an gasúr nach rabh. "Bhal," arsa'n sagart foghluimneochaidh mise an dóigh duit. Cuir i gcás anois caora aca an t-Athair; an ceann seo an Mac; agus an chaora seo eile an Spioraid Naomh. Dubhairt an gasúr go gcoisreachaidh sé é fhéin 'ach a'n lá agus d'imthigh sé leis.
Thárlaidh sé go bhfuair caora aca bás agus bhí an gasúr buadhartha na dhiaidh. Casadh an sagart ar an ghasúr cuplá lá na diaidh seo agus d'iarr sé air é fhéin a choisreachaidh. "I n-ainm an Athar agus an Mhic agus fuair an Spiorad Naomh bás leis an galar sgráth!" arsa'n gasúr.
Sgéalaidhe: Cáit Ní Dhomnaill, Mín Corbhuic, Croich Slighe.
Aois: 72 bliadhan.