School: Mín na Mánrach

Location:
Meenamarragh, Co. Donegal
Teacher:
Niall Mac Suibhne

Filter stories

Back
/ 168 Forward
Resolution: Low | High
Mín na Mánrach | The Schools’ Collection

Archival Reference

The Schools’ Collection, Volume 1055, Page 135

Image and data © National Folklore Collection, UCD. See copyright details »

On this page

Scéal (continued)

Bhí fear ann am amháin darbh' ainm Domhnall Mac na Baintreabhaighe. Ní raibh aige acht é fhéin agus a mháthair.
(continued from previous page)

buaclán buidhe a tharraingt as an talamh agus as an bhuaclán thainig beathach mór bán. Chuaidh Domhnall a mharcuigheacht air, agus ar shiubhal leobhtha siar go Connachta. Nuair a chuaidh siad annsin bhí an ghiorsach seo amuigh ins an bhoitheach ag blighe. Bhí an t-athair agus an mháthair 'na suidhe istuigh ins an cisteannaigh agus mhothuigh siad í ag screadaigh. Thug siad iarraidh amach 'na boithigh go bhfeiceadh siad goidé bhí cearr léithe, agus fuair siad i 'na luighe marbh ins an tsuinc. Rinneadh í fhaire agus cuireadh í.
Nuair a phill Domhnall agus na daoine beaga arais bhí an ghiorsach le Domhnall ar an cúlaibh. Nuair a thainig siad fhad le cúirt na ndaoine beaga ghearr Domhnall léim anuas on bheathach agus thug anuas an ghiorsach fosta. Rinne sé fáinne thart le sál a bróige ins an áit ar léim sé on bheathach agus ghearr an chroic chéasta ar an ghiorsaigh. ar an ádhbhar sin ní rabh na daoine beaga abálta baint díthe. Ní raibh na daoine beaga sásta agus ní dhearn fear aca ach a lámh a tharraingt agus í a bhualadh on cluais go dtí an beal agus d'fhág bodhar í.
Thug Domhnall leis na bhaile í chuig a mháthair. Bhí sí aige annsin agus ní raibh sí ábalta aon fhocal a labhairt. Bliadhan on oidhche sin dubhairt Domhnall le na mháthair go rabh sé ag dul síos na cúirte go bfeiceadh sé goidé bhí ag dul.
"A mic ó," arsa'n mháthair, "bliadhan agus ins an oidhche anocht chuaidh tú síos aroimhe agus is deas an feirín a fuair tú, óganach bodhar na suidhe sa choirneal agat ó shoin."

(continues on next page)
Informant
Gráinne Bean Uí Dhubhthaigh
Gender
female
Age
circa 48
Address
Augullies, Co. Donegal
Language
Irish