Gráinne bean Uí Dhomhnaill, Leitir Catha, an Clochan Liath, Tírchonaill a d'innis. Rugadh i Loch an Iubhair í agus is ann a chaith sí a saoghal gur pósadh í, nuair a thainig sí a chomhnuidhe go Leitir Catha. Tá sí 70 bliadhan d'aois anois. Chualaidh sí an scéal seo go minic ag na sean-daoine fa Loch an Iubhair.

Sgéal
Bhí sin ann agus is fada ó bhí, dá mbéinn-sa anois mar bhí mé an uair sin bheadh sgéal úr no sean agam agus gan a bhéith olc fá dtaoibh de. Anois nach maith an pháirt de sgéal sin
Bhí fear an Gallchobharagh i Loch an Iubhair fad ó shoin agus bhí sé fhéin agus a bean agus a theaghlach beo bocht. Ní rabh aon beathach ceathair cosach fa'n teach ach an cat. Bhí aonach ar an Chlochan Liath agus oidhche an aonaigh nuair a bhí sé fhéin agus a theaghlach 'na suidhe fa'n teinidh thainig bó 'un dorais as í ag géimnigh. D'éirigh bean