Nuair a bhí íosa curtha bhí dhá shaighdiúr a choimhead ar eagla go n-éireochadh sé agus dubhairt siad nach n-éireochadh sé go n-éireochadh an coileach a bhí sa phóta ar goil agus go ndéanfadh sé trí sgairt ar shlat an phóta.
D'éirigh an coileach agus é ar goil agus leig sé trí sgairt ar shlat an phóta agus dubhairt sé "Tá Mac Dé beo go fóill." "Tá sé ar shiubhal" ar siad-san agus bhí an uaigh follamh.
Bhí Íosa ag gabhail i bhfolach annsin agus thoisigh an dreolán ag baint an t-sap de agus an speideog a chur arais air. Chuir Íosa a mhallacht ar an dreolan an lá sin agus a bheannacht ar an sepideog agus sin an t-adhbhar a bhfuil fuath ag gach aon duine ar an dreolan.
"Tá Mac Dé beo go fóill" a deir an coileach ó'n lá sin ó shoin.