Fuaireas an sgéal ó Maighréad Ní Chuinn, Loch Muice, Baile na Finne, í timcheall 60 bl. d'aois; tóigeadh i Loch Muice í, agus chaith sí a saoghal ar fad annseo; í ag coimhead an toighe dá dhearbhráthair atá pósta ann. Chuala sí an sgéal ó Pheadar Ó Cuinn, timcheall 50 bl. ó soin; bhí sé fá'n tráth sin. Bhí comhnuidhe air i mBaile na Finne acht chaith sé tamall fada ar an fhairrge in a mháirnealach. 23-7-34

Fear a bhí ann i bhfad ó shoin a rabh triúr ingean aige. Bhí an duine a b'óige an-dóigheamhail acht ní dhéanfadh sí dadaí bhí sí comh fallsa sin. D'éirigh a h-athair chomh tuirseach dithe gur chuir sé scéala amach go dtibhradh sé céad punt de chruach dithe. Tháinig fear annsin agus phós sé í agus thug sé leis í.
Bhí trí madadh leis agus ar a mbealach 'na bhaile, d'éirigh girrfhiadh agus leig sé ar shiubhal an chéad mhadadh in a dhiaidh. Sgairt sé arais air acht ní tháinig sé. Nuair a tháinig sé sgaoil sé leis agus mharbhuigh sé é. Chuaidh siad giota eile annsin agus d'éirigh coiní˜agus chuir sé an dara madadh ann, agus nuair nár tháinig sé arais nuair d'iarr sé air mharbhuigh sé é. Indiaidh giota eile a shiubhal leig sé amach an tríomhadh madadh indiaidh madadidh ruaidh agus mharbhuigh sé é fósta nuair nár tháinig sé arais.
D'fhiafruigh sí annsin de goidé an t-adhbhar a bhí aige leis na madraí uilig a mharbhughadh. Ní thearn siad an rud a d'iarr mé ortha," ar's sé. "Duine ar bith nach ndeanas mar a iarras mé air, sin é an rud a dhéanas mé leis, é a mharbhughadh." Chuaidh siad 'na bhaile annsin agus chuaidh siad a luighe, agus ní bhfuair sí suipéar ar bith. D'fhiafruigh sise de am eicínt roimh an lá, an raibh