School: Leac Chonaill (roll number 14890)

On this page

1. Seo Scéal Eile a d'Inis Proinsias Ó Gallachobhair Dom

   

   Share Share Post

   Nuair a bhí Ó Domhnaill na Thighearna i nDún na nGall bhí dearthair aige 'na chomhnuidh shíos ins na Rosaibh. Chualaidh sé go rabh an dearthair a bhí ins na Rosaibh tinn claoidhte, agus gur dóiche go rabh an bás air. Mhionnuigh sé go gcuirfeadh sé un báis an chead duine a dinnseochadh do go rabh a dhearthair marbh.

   Lá amháin thainic marcach mar theachtaire annsair as na Rosaibh.
   “An ó mo dhearthair ins na Rosaibh a thainic tú?” arsa Ó Domhnnaill leis.
   “As na Rosaibh a thainic mé cinnte,” arsa an teachtaire.
   “Caide mar ta mo dheartháir?”
   “Tá sé ina luighe ar shlait a dhroma, taobh da chuid le colbha na leabtha, agus an taobh eile leis an bhalla.”
   “Ó, tá sé marbh!” arsa Ó Domhnnaill.
   “Is maith gur tú féin adubhairt é,” arsa an teachtaire.
   “Is cliste an teachtaire tú,” arsa Ó Domhnaill, “agus ba mhór an truaighe do chur un báis. Agus ma fhanann tú agam congbhuigeochaidh mé thú mar sheirbhiseach le do shaoghal.”

   D’fhan an teachtaire mar sheirbhíseach ag Ó Domhnaill agus bhí dóigh mhaith air ó sin go deireadh a bheatha.

   

   Transcribed by a member of our volunteer transcription project.

   History Edit

   Language

   Irish

   Collector

   Séamus Mac Grianna

   Gender

   Male

   Informant

   Proinsias Ó Gallachobhair

   Gender

   Male

   Address

   Leac Chonaill, Co. Donegal