School: Sliabh Liag

On this page

1. Scéal - Ó Brían (continued)

   

   Share Share Post

   (continued from previous page)

   Sagairt caidé a rinne sé d’innis siad do go rabh sé cáillte muna bhfághfadh sé an leitir sin arais, na d’áithin siadsan ar aon gur as Ifrionn a thainig sí agus go mbéadh sí ag obair a choidhche go bhfághfadh sí eisean síos agus go n-éireochadh léithí nuair a bhí’n leitir aicí. Acht ní rabh aon dóigh aige an leitir a fhághail go dtéidheadh sé síos go h-Ifrionn fa na choinne. Bíodh fhíos agat nach lúthghair a bhí air nuair a chualaidh sé go rabh aige lé ghabhail sios go h-Ifrionn fa choinne a leitir.
   Ní rabh fhios aige an bheálach, agus ni rabh fhios ag na Sagairt eile ach oiread. Caidé bhí ag an duine bocht lé deanamh. Sa deireadh d’innis fear a tíghe do go rabh feár na luighe shuas i n-uaighe mhóir os cionn an tíghe. Ba fear é a rinne an uile séort ólcais in a shaogail agus seo an áit -cómhnaidhe a bhí aige, agus mura mbéadh seisean i n-innibh an beálach go h-Ifrionn a thaisbeant do nach rabh fhios aige aon duine eile a thaisbeanfadh.
   D’imtigh sé suas agus cinnte go leór bhí’n fear na h-uaimhe na luighe annsin na chodladh. Mhusgail an Sagart Óg é agus d’innis sé a sgéul dó agus d’fiafraigh dó an dtiocfadh leis an beálach go h-Ifrionn a thaisbeant do. Dúbhairt sé go dtaisbeanfadh, na go rabh fhios aige go maith toiseach a bheálaigh agus ní amhain sin acht go dtabhairfeadh sé an eóchair do a d’fosglochadh

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0756B: The Devil's Contract

   Language

   Irish

   Collector

   Caitlín Nic a' t Saoir

   Gender

   Female

   Informant

   Seán Mac a' Bhaird

   Gender

   Male

   Age

   76

   Address

   Mín na bhFiann, Co. Donegal