School: An Mhálainn Bheag (roll number 14119)

On this page

1. An Mhuc Allta (continued)

   

   Share Share Post

   (continued from previous page)

   Ní rabh sí ábalta éirigh as a leabaidh le tinneas croidhe. Thainig an fear abhaile agus nuair a d’innis an deirbhsiúr an scéal bréagach dó bhí dá oiread feirge air an t-am seo.
   D’imthigh sé arias agus an tríomhadh bliadhain rugadh nighean dó mhnaoí. Thug an deirbhsiúr leithe an leanbh mar rinne sí leis an beirt pháistidhe eile agus thug dón mhuc ált í agus d’oil sí an giorsach fosta.
   Nuair a thainig an fear abhaile an tríomhadh uair agus d’innis an deirbhsiúr dó gur pisín cait a rugadh dó bhí oiread feirge air an t-am seo gur dhubhairt sé go ndíbreachad sé a bhean o’n teach.
   Chuir sé leabaidh shíos i silear faoí’n urlar agus d’fág í annsin. Bhí an créatúr bocht buadhrtha brónach annsin.
   Phos sé a deirbhshiúr annsin. Bhí go maith agus ní rabh go h-olc. Bhí buachaill bó aca, agus lá amhain nuair a bhí sé ag buachailleacht comhgarach dó’n fhairrge chonnaic sé an dá ghasúr agus giorsach ba deise a chonnaic sé ariamh, ag imirt ar an tráigh. Bhí dhá “necklace” óir ar an dá ghasúr agus necklace airgid ar an ghiorrsach. D’innis sé an scéal nuair a thainig sé abhaile. “Caithfidh mé ghabhail go bhfeicfidh mé iad arsa’n fear”. Cá mbéidhfa ghabhail arsa ‘bhean. Spriog rud éighin í gurab iad na páistidhe a bhí ann.
   Lathar na bharach chonnaic an buachaill bó arias iad agus d’innis an scéal nuair a thainig sé abhaile.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0707: The Three Golden Sons

   Language

   Irish

   Informant

   Máire (Seán) Ó Beirn

   Gender

   Female

   Age

   54

   Address

   Málainn Bhig, Co. Donegal