School: Teileann

On this page

1. Scéal fá Bhunadh na gCnoc

   

   Share Share Post

   Sceal fá Bhunadh na gCnoc

   Bhí beirt fhear i n-a gcomhnuidhe i dTeileann aon uahir amháin. Bhí morán caorach aca i bhFochar Fhraoich. Bhi caora amháin caillte ag fear aca agus bhí sé i dtólamh ag iarraidh ar an fhear eile a ghabhail leis go Fochar Aodh go bhfeicead siad a' rabh sí ann. Bhi an fear eile ag rádh go rachadh acht leig sé thaire na chluasa é nó go dtí maidín Dia Domhnaigh amháin a bhí siad i n-a suidhe thart fán teinidh indiaidh éirigh. Ní rabh ceachtar aca ag an Aifreann. Arsa fear aca leis an fhear eile, "Anois an t-am againn a ghabhail go Fochar Fhraoich agus an chaora atá caillte againn a chuartughadh." "Maith go leor," arsa an fear eile, "ní féárr dúinn ar bith rud a dhéanfaimid na a ghabhail nuair atá an la maith."
   D'imigh siad leobhtha. Bhí an bealach fada acht ní rabh an bheirt fhear i bhfad ag cur an bhealaigh tharstú. Nuair a shroich siad Fochar Fhraoich bhí siad tuirseach go leor. D'imigh fear aca go bhruach na n-allt a chuartughadh an chaora a bhí caillte aige. Agus d'imigh an fear eile a d'amharc uaidh. Nuair a thainig an fear a chuaidh go bruach na n-allt fhad leis an allt d'amharc sé síos go bhfeiceadh sé an ann a bhi an chaora. Acht caidé chonnaic sé acht bean is leanbh i n-a h-ucht agus í ag cíoradh a cinn. Fhobair gur thuit an fear as a sheasamh nuair a chonnaic sé seo. Agus níl ann acht gur éirigh leis an áit a rabh an fear eile

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   Seaghan Mac Seaghain

   Gender

   Male

   Age

   65

   Occupation

   Iascaire

   Address

   An Baile Mór, Co. Donegal