School: Cineal Conaill (roll number 15271)
- Location:
- Garvagh, Co. Donegal
- Teacher: Antoin Ó Dochartaigh
Archival Reference
The Schools’ Collection, Volume 1035, Page 135
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
- XML School: Cineal Conaill
- XML Page 135
- XML “Taisce Sheáin an tSiabtha”
- XML “Taiscí na Lochlannach in Éirinn”
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- Taisce Sheain an tSiabtha.Bhí an bhrionglóid céadna ag Sean an tSiabtha trí hoidhche indiaidh a chéile sé sin, go bhfuighead sé a shaidhbhreas thall ar Dhroichead Lonndain. D’imthigh sé leis anonn agus chaith sé trí lá ar an droiceadh agus é ag amharc ar na sluaighte daoine ag teacht agus ag imtheacht acht ní rabh cuma ar bith go rabh saidhbhreas i ndán do annsin. Ar an tríomhadh lá agus é ar tí imtheacht abaile arais tainic fear coimhthigheach ionns’ air.
“Tá mé ag amharc ort do sheasamh annseo le trí lá” arsa an strainseár, “agus chan fheicim do ghraithe ann”.
“Broinglóid a bhí agam i rith trí hoidhche”, arsa Seán, “go bhfuiginn mo shaidhbhreas ar droichead Lonndain a thug annseo me”.
“Na tabhair áird ar bith ar a léithid sin”, arsa an fear eile, “ná bhí brionglóid agamsa le trí hoidhche go rabh cróc óir i bhfolach faoi chrann sceacóige a bhí ag fás i nGarradh Sheain an tSiabtha i Sop Seisc”.
Níor leig Sean dadaidh air féin ach nach rabh maith do a bheith na sheasamh annsin ní b’fhuide. D’fhág sé slán ag an strainseár agus thainic anall na bhaile go Sop Seisc. Thoisigh sé ag rómhair ag bun na sceacóige agus nuair a bhí poll trí troighthe ar doimhne deanta aige thainic sé ar an taisce. Bhí dóigh mhaith ar féin a bhean agus a clann ó sin amach.
- Taiscí na Loclannach in Éirinn.
Taistealaidhe a rabh a thriall go Tír na Lochlann uair amhain agus thainig sé suas le fear ann a bhí amuigh sa chuibhreann agus chuaidh ‘un cainnte leis.(continues on next page)
