Sa tsean aimsir do bhí nós ag na sídheoga an máthair a thabhairt leo t'réis di leinbh a bhreith agus d'fhágaidís duine lag, suarach in a hionad ag a fear __ "sickly elf" a thugaidís uirthí. Do thárla go raibh bean an fhir a chum an amhrán t'réis leinbh a bhreith agus do thóg na sídheogaí leo í. Fágadh bean lag, spíonta in a háit ag a fear chéile agus do chaith sé a chuid de'n tsaoghail ar luibh 'gus ar leigheas ag iarraidh biseach a chur uirthí.
Do thagadh a bhean chéile féin arais ó na liosa nuair nach mbíodh neach daondha thart agus d'íosfadh sí chuile nídh a d'fheiceadh sí ach gan salann a bheith ann. An tráthnóna seo bhí a fear chéile amuigh indhiaidh na mbeithidheach nuair a casadh air í