School: Dubhthuama (roll number 14193)

On this page

1. Oileán Éadaigh nó Sail Óg Rua

   

   Share Share Post

   I n-Oilean Éadaigh tá mo rún is mo chéad ghrádh
   Ag a leig mé léithe mo rún go h-óg
   Tá triúr ar aon chéill gol na déidh orm
   Agus gan bean a mbreugaidh, mo creach le fagháil.
   Tá mé tréith-lag i's ní gar d'á shéanadh
   Níl mé ar aon chor acht mar an ceo
   A Stóir mo cléibhe, i's tú d'fág liom péin mé,
   A' dhul i gcré uaim in do chailín óg.

   
   In aois a sé deug, 'seadh phós mé féin í,
   Agus ba deas a' péarla í ag fear le fagháil;
   Ba deas a béasa agus ba ciúin a méin mhaith;
   I's ba geal le réalta í maidin bhreagh.
   Mo ghrádh do bhéilín, nár chum na breugaí,
   Do gruadh geal ghléigheal mar an eala ar tráigh,
   Dá chíc ghlégeal le do leanbh a bhreugadh,
   Acht a Stóir, níor fhéad mé do thabhairt ó'n mbás

   
   Dá bpósainn Sláimín de chaile gránda,
   Thóigfeadh a lán orm a bheith gol na déidh,
   Acht an óigbhean mhánla a dtug mé grádh dí,
   Agus gur in a páiste 'seadh phós mé í
   B'fearr liom go mór mór mo dhéidh sa ród í,
   Ag bleághan mo bhó í, nó i gcionn mo thigh
   Ná saidhbhreas Sheoirse, agus fághaim faoi dhó é,
   A's gur faoi na fóide a cuireadh í.

   (continues on next page)

   

   Transcribed by a member of our volunteer transcription project.

   History Edit

   Topics

   1. genre
      1. poetry
         1. folk poetry (~9,504)

   Language

   Irish

   Collector

   Micheál Mac Thámhais

   Gender

   Male

   Occupation

   Múinteoir